എടത്വ: അവധി കഴിഞ്ഞ് വിദേശത്തേയ്ക്ക് പോകാന് ടിക്കറ്റ് ബുക്ക് ചെയ്ത ഗൃഹനാഥനെ കാണ്മാനില്ലന്ന് പരാതി. എടത്വ കോയില്മുക്ക് പുത്തന്പറമ്പില് ജോസഫ് വര്ഗീസി (ജോണ്സണ്-60)നെ ആണ് കാണ്മാനില്ലെന്ന് ബന്ധുക്കള് എടത്വ പോലീസില് പരാതി നല്കിയത്.
20 ദിവസത്തെ അവധിക്ക് കഴിഞ്ഞ ഡിസംബര് 17 ന് നാട്ടിലെത്തിയ ജോണ്സണ് 6-ാം തീയതി മടങ്ങിപ്പോകാന് ടിക്കറ്റ് ബുക്ക് ചെയ്തിരുന്നു. ജനുവരി ഒന്നാം തീയതി വീട്ടുകാരുമായുള്ള ചില തര്ക്കത്തെ തുടര്ന്ന് ജോണ്സണ് വീടുവിട്ട് ഇറങ്ങിയിരുന്നു. മുന്പും സമാനമായ തര്ക്കത്തെ തുടര്ന്ന് വീടുവിട്ട് ഇറങ്ങുകയും തിരികെ വരുകയും ചെയ്തിരുന്നു. പതിവുപോലെ തിരികെ വരുമെന്ന് കാത്തിരുന്നെങ്കിലും വരാത്തതിനെ തുടര്ന്ന് വീട്ടുകാര് അന്വഷിക്കുകയും 3-ാം തീയതി എടത്വാ പോലീസില് പരാതി നല്കുകയുമായിരുന്നു.
കാണാതാകുമ്പോള് കൈയ്യിലുണ്ടായിരുന്ന ഫോണിലേയ്ക്ക് ബന്ധപ്പെടാന് ശ്രമിച്ചെങ്കിലും ഫോണ് സ്വിച്ച് ഓഫാണ്. എറണാകുളത്തു നിന്ന് മംഗലാപുരത്തേക്കും അവിടെ നിന്ന് വിദേശത്തേയ്ക്കും പോകുന്ന രീതിയിലാണ് എയര് ഇന്ത്യയില് ടിക്കറ്റ് ബുക്ക് ചെയ്തിരുന്നത്. ഇതേ തുടര്ന്ന് 6-ാം തീയതി മടങ്ങി പോയോ എന്നറിയാന് എറണാകുളത്തും മാംഗ്ലൂര് എയര്പോട്ടിലും അന്വഷിച്ചെങ്കിലും മടങ്ങിയിട്ടില്ലെന്ന് അറിയാന് കഴിഞ്ഞിരുന്നു. ആറ് മസം മുന്പ് ഹൃദയസംബന്ധമായ അസുഖത്തെ തുടര്ന്ന് ജോണ്സണ് ശസ്ത്രക്രിയ നടത്തിയിരുന്നു
E-paper LOGIN
LOGIN
